امثال شعبية من مدينة التل

أمثال شعبية من مدينتي(التل)
--------------------------------------------------------------------------------



حرف الهمزة ((الألف)) :
الله يلحق الحبل بالدلو.
النوم بيجر النوم و القمل بيجر النمنوم.
الثلم الأعوج من الثور الكبير.
الولد ولد ولو صار شيخ بلد.
الشهر يلي ما بيجيك منو جامكية شلاك بعدد ايامه.
الضرب بالخواصر.
أمدأ من طين الشتا.
السيف ما بيقطع بقرابه.
الرجال بفعالها مو بمالها.
السفر محك الرجال.
الفرس الأصيلة ما بعيبها جلالها.
الطبل بمنين و الزمر بحلبون.
أصغر ما فينا بزمر بليقطينا.
ال**** أعطوه وردة يشمها, قام أكلها.
إن فات الفوت ما بينفع الصوت.
أتعب سيقانك و لا تتعب لسانك.
أربط ال**** محل بيقول صاحبه.
إيدك عني و ما عليك مني.
إذا طعميت شبيع و إذا ضربت وجيع.

حرف الباء:
بيعمل من الحبة قبة و من الزبيبة خمارة.
بدو نبيع الخرج لنشتريله لهاية.
بتكالي عنا و بتبيض برا.
بزرة تين بقلع عين.
بيقضي الحج بلا أبو حلاوة.

حرف الثاء:
ثور الشراكة بموت ع الطاولة.
ثوب العيرة ما بدفي.

حرف الجيم:
جاي من البرية و بدو الأولية.
جلد و يسلم عليه.
جارك القريب و لا أخوك البعيد.

حرف الحاء:
حجة و الناس راجعة.
حارتنا ضيقة و منعرف بعضنا.

حرف الخاء:
خود الرفسة القوية من ال**** الضعيف.

حرف الدال:
دبساتو مراق.
ديكين ع مزبلة ما بيتفقوا.

حرف العين:
عقلوا براسوا بيعرف خلاصوا



حرف الغين:
غب غب الجمال و قوم قبل الرجال.

حرف الراء:
رجعت حليمة لعادته القديمة.
رضينا بالبين و البين ما رضي فينا.

حرف الزاي:
زيوان بلدك و لا قمح الغريب.
زق العرب ثلاثة.

حرف السين:
سدا بلحمة.

حرف الشين:
شرط بالحقلة و لا خناقة بالبيدر.
شو بتتكبر عني و أنت ابن عمي.
شي ما منو و دخانه بيعمي.
شاور الكبير و الصغير و ارجاع لشور راسك.

حرف الصاد:
صحيح ما منقسم و مقسم ما بناكله و بدنا ناكل لنشبع.

حرف الضاد:
ضرب الرخو مالو صحو.

حرف الفاء:
فوق الموتة عصة قبر.

حرف القاف:
قام من تحت الدلف قعد تحت المزراب.
قعد يكحلها عماها.


حرف الكاف:
كمل النقر بالزعرور.
كثر الحيا قلة حيا.
كل عنزة معلقة من كرعوبها.
كول من الفجل الورق و خود من النسوان الشلق.
كلاس ما بيغبر ع الطحان.

حرف اللام:
لا تقص ذنب ****ك بين اثنين واحد بيقلك طولتو, و واحد بيقلك قصرتو.
لاتبيع ****تك لجارتك, و لا تجوز بنتك بحارتك.

حرم الميم:
مثل تجارة بو غطاس.
من استأل كراه قل سببه.
من تقل عقله ريح رجليه.
من طلع من داره قل مقداره.
مثل الخنفسة بالطاسة.

حرف الهاء:
هيك مزبطة بد هيك ختم.

حرف الواو:
و حياة خالقك ماني مفارقك.

حرف الياء:
يلي بيعرف بيعرف, و يلي ما بيعرف بيقول كف عدس
يلي بيدور ع ربه بيلاقيه.
يا جايه من الجبل هات معك حجر.
يلي مالو كبير مالو تدبير.
يا راكب الكر ع الباشا لا تمر, إذا ما سخرك بيسخر منك.