المختار Admin
عدد المساهمات : 405 نقاط : 1155 تاريخ التسجيل : 29/11/2011
| موضوع: عفوية فيها حكمة ..... السبت ديسمبر 17, 2011 7:50 pm | |
| السلام عليكم ساروي لكم قصة من قصص التل االقديمة عن احد الاشخاص وهو من بيت (تقلس) وهذه القصة حقيقية وحصلت فعلاً وطبعا الداعي لنقلها ان فيها عبرة وتحكي عن عفوية القدامى الحكيمة.. يقال انه كان هناك رجل من بيت تقلس سافر ابنه الى فلسطين عام 1931 م ليعمل نحات ( وكانت فلسطين في ذاك الوقت مزدهرة ) وقبلة البنائين والمهنيين المهم سافر هذا الشخص وبقي في فلسطين مدة ست سنوات عاد بعدها الى بلده التل واهله بعد ان اكرمه الله ( وهذا دليل على ان اهل التل امتهنوا السفر من زمن ) وعند وصوله الى التل ذهب الى اهله ليسلم عليهم وكان قد جلب لهم الهدايا ومن ضمنها هابريون ( القديم جدا يعمل على بطاريات ناشفة مثل مشغل الاسطوانات ) لوالده ..المهم سلم على ابوه وقدم لابوه هذا المشغل ( على فكرة بهديك الايام كان هاد شغلة كبيرة في التل يعني الكهرباء ما انوصلت وفي ناس كانت ما سمعت بالراديو فتخيلوا كم كانت هدية قيمة في ذاك الوقت ) المهم الاب اخذ الهدية وقال لابنه يا ابني شوهاد فقال له ابنه ( يشرح له ) يا ابي هاد بتحط الاسطوانة وبتشغلوا على البطارية بقوم بصير يغني ... فقال له ابوه شغل لنشوف ... فشغل الولد لابوه الاسطوانة وهو شايف حالوا ( يعني جايب لابوه شغلة فخمة ماحدا شاف متلها لسه ) المهم شي خلصت الغنية قاله ابوه بس هيك قاله ابنه ايـــه يابو ...قاله طيب يا ابني روح جبلي كيس قلم احمر فاضي ( كيس خيش يملأ فيه القمح والحبوب ) راح الولد جاب الكيس فقال له ابوه اربطه على المايكروفون الكبير يلي بطالع الصوت ( استغرب الولد ) وقال لابوه بس هاد يابو مشان يطلع الصوت قاله ابوه معليش اربطه ... الولد ربط الكيس وهو عم يقول بقلبه هاد ابي فلاح مانه عرفان بها الشغلات ( لاحول ولاقوة الا بالله ) المهم قلله ابوه شغل يا ابني لنشوف قام الولد شغل الاسطوانة بعد عشر دقائق خلصت الاغنية فقال الاب لابنه فك هالكيس لشوف ياابني ... قام الولد فك الكيس فقال له ابوه ايـــه هاد الكيس فاضي ما تعبا قمح وطحين ... فقال له ابنه وهو يتحول بالله ... هاد يا ابي بس بغني .. فقال له ابوه معناته يا ابني هاد مو منيح .. انا بعرف يا ابني انه هاد جهاز بغني وانت الله يرضى عليك معذب حالك وجايبلي ياه بس انا حبيت قلك يا ابني بها الوقت كل شي ما بجيب قمح وطحين وما بطعمينا خبز ما منيح يعني في شغلات ابدا ............. شو رايكم بهالفلاح التلي العفوي البسيط ............ __________________ | |
|
ســمــو الـمــســلــمے عضو فضي
عدد المساهمات : 121 نقاط : 213 تاريخ التسجيل : 12/12/2011 العمر : 43 الموقع : ريف حماه المحتلة
| موضوع: رد: عفوية فيها حكمة ..... الأحد ديسمبر 18, 2011 7:46 am | |
| رائعة
دائما بنسمع من القديمين : هذا الحكي كله ما يطعمينا خبز
حتى كبرنا و شفنا أن القديمين كانوا حريصين أنهم يعلمونا الي يفيدنا تقبل مروري
| |
|
المختار Admin
عدد المساهمات : 405 نقاط : 1155 تاريخ التسجيل : 29/11/2011
| موضوع: رد: عفوية فيها حكمة ..... الأحد ديسمبر 18, 2011 8:03 pm | |
| كلامك صحيح وصدقت أخي سمو المسلم سما المنتدى بك وشكرا لك
| |
|