المختار
Admin
عدد المساهمات : 405
نقاط : 1155
تاريخ التسجيل : 29/11/2011
 | | موضوع: قصة إنتقاء مكان بناء مستشفى التل السبت ديسمبر 17, 2011 7:49 pm | |
| السلام عليكم ورحمة الله
اليوم بدي أحكي قصة إنتقاء مكان بناء مستشفى التل
تقريباً بعام 1958 كان بالتل ضابط تلي معروف طبعاً وهو محمد الجراح عافاه الله ومعروف عنه كان قائد الشرطة
يوم من الأيام اقترح على أبناء التل بناء مستشفى لأهل التل وطبعاً أهل البلد ووجهاء البلد وقتها وافقوه ، واتفقوا على بناء المشفى على نفقة أهل التل واليد العاملة من التلية كمان
واجتمعوا لإنتقاء الأرض يلي بدهن يبنوا عليها المشفى وبدأ العم أبو عبد الوهاب ( محمد الجراح ) باستشارة الوجهاء وقلهن وين بدنا نبني المشفى
طبعاً كل واحد يقول بمكان معين من أراضي التل إلا واحد من الوجهاء كان ساكت ماحكى شئ
وبعد ماسمع الكل قال أبو عبد الوهاب يا أبو محي الدين أنت شو رأيك ماسمعنا رأيك
قلو أبو محي الدين والله يابو عبد الوهاب أنا رأيي تبنوا المستشفى بأرض الروس وأشار للمكان يلي انبنت عليها المشفى
قال أبو عبد الوهاب وكل الحاضرين والله جبتها يا أبو محي الدين وفعلاً هالمكان أنسب شئ لأنه عالي والهوا فيه صافي
وأثبتت الخبرات بعدين وبعد ما صارت المشفى عسكري إنه مكان المشفى من أفضل الأمكنة يلي بنيت عليها مستشفيات سورية
رحم الله أبو محي الدين ومن كان معه ومن شارك في بناء المشفى وبارك الله بالأحياء منهم وجعلها الله في ميزان حسناتهم
ودمتم بخير | |
|
