المختار
Admin
عدد المساهمات : 405
نقاط : 1155
تاريخ التسجيل : 29/11/2011
 | | موضوع: تلية أرجل من الرجال الثلاثاء ديسمبر 20, 2011 4:54 pm | |
|
تلية أرجل من الرجال
السلام عليكم ورحمة الله وبركاته
اليوم بدي أحكي قصة سمعتها من ستي الله يرحمها ومارايح أذكر أسماء
القصة صارت على زمان الإحتلال الفرنسي لسورية
الفرنسيين بدهن يعاقبوا المواطنين السوريين لأنهم عم يساعدوا الثوار فقطعوا الخبز والطحين ومن جملة هالناس أهل التل لأنهم من عمرهم أهل التل كانوا يساعدوا الثوار بالنفس والمال
فخطر ببال أحد النسوة التليات فكرة وطبعاً هالمراة بعرفها حق المعرفة الله يرحمها إنها تروح عالشام وتجيب خبز لأهل التل لأنه صارت عنهن مجاعة من قلة الخبز والطحين
بس شلون بدها تجيب والدوريات تبع الفرنسيين عالطريق مابتخلي حدا يمر وإلا تفتشوا
قالت هالتلية لزوجها أنا رايحة عالشام وجيب خبز واتفقت مع أحد أصحاب السيارات الشحن بهداك الوقت وشو يعني سيارة متل الطنبر وراحوا عالشام رغن إنه زوجها كان معارض من خوفه على مرته مايكمشوها الفرنسيين وتتبهدل
المهم أصرت هالمرأة وراحت عالشام وبالشام نوعاً ما أحسن الوضع يعني في أفران واشترت الخبز وحطته بالطنبر بعد مافردته على شرشف وغطتو بشرشف تاني وحطت عليهن حطب بكترة لدرجة غطت الشراشف والخبزات واتكلت على الله ورجعت عالتل
ولمن وصلت لبرزة الدورية واقفة عم تستنى كل يلي بيمروا ، وقفوها وبدهن يفتشوا الطنبر
يلي ساعدها بالموضوع إنها إمرأة وهي شخصيتها قوية الله يرحمها ويحسن إليها وقالت للعسكر شو شايفين محملين شوية حطب جايتنا الشتوية مشان الكانون ( الكانون كلمة تلية هي مكان التدفئة والطبخ يستعملوا الحطب فيه ) وبشوية كلمات منها القوية ولسانها الحلو على قولة الله يرضى عليكن ويخلينا ياكن ومن هالكلام المنمق فتشوا من برة لبرة مالاقوا غير الحطب ومشوها
وقبل ماتصل للدورية نسينا نقول إنها شافت رجل تلي طالع عالتل وراكب عالخيل وقالتلو خبر فلان يعني زوجها إنها جابت الخبز وخليه يستناها بالوادي
المهم وصلت هالمرأة التلية الله يرحمها عالتل وكانوا نص التلية عم يستنوا الخبز
وبلشت توزيع الخبز بسعر التكلفة يلي هي اشترت فيه الخبز بدون ربح لأنه توكلت على الله وقالت أجري عند الله
وبدي قول عنا بالتل وببلاد تانية كمان في نسوان أرجل من الرجال نفسهن بيفتخر واحد فيهن ، وفي رجال بالإسم والشكل بس
الله يرحم هالمرأة ويحسن إليها توفت عن عمر يناهز 75 سنة في عام 1987
ودمتم بخير
__________________
| |
|
الشبح الطائر
عضو فضي
عدد المساهمات : 158
نقاط : 376
تاريخ التسجيل : 01/12/2011
| | موضوع: رد: تلية أرجل من الرجال الجمعة ديسمبر 23, 2011 2:27 pm | |
|
والنعم ياعمي نسوان اخوات رجال وبنات رجال
لكن احداث الثورة حاليا اثبتت انو لسه فيه خير
| |
|
